افغانستان کی صورتحال پر روس میں ہونے والے اجلاس کے اعلامیے میں طالبان پر زور دیا گیا ہے کہ افغانستان میں موجود تمام دہشتگرد گروپوں کے ٹھکانےختم کیے جائیں۔ ماسکو فارمیٹ کے تحت روس کے شہر کازان میں افغانستان کی صورتحال پر اجلاس ہوا جس میں چین، بھارت، روس، پاکستان اور افغانستان سمیت ایران کے نمائندوں نے شرکت کی۔ کازان اجلاس کا اعلامیہ بھی جاری کر دیا گیا ہے جس میں کہا گیا ہے کہ طالبان افغانستان سے تمام دہشتگردوں کے ٹھکانوں کو ختم کریں۔ اعلامیے میں کہا گیا ہے کہ افغانستان میں تمام گروپوں کی نمائندہ جامع حکومت کی جلد تشکیل ہونی چاہیے اور انسانی حقوق کے ساتھ خواتین کے حقوق کا احترام بھی کیا جانا چاہیے۔ اس کے علاوہ اجلاس میں افغانستان میں غیر علاقائی عناصر کی بڑھتی شمولیت پر روس نے تشویش کا اظہار کیا اور روسی نمائندہ خصوصی نے کہا کہ طالبان دہشتگرد گروہوں اور خاص طور پر داعش کا مقابلہ کرنے میں غیرمؤثر رہے۔ روسی نمائندہ خصوصی نے کہا کہ طالبان بھی افغانستان کے شدید اقتصادی مسائل کا حل تلاش کرنے میں ناکام رہے ہیں، نسلی گروہوں کی شمولیت کے بغیر افغانستان میں امن ممکن نہیں۔ ادھر اجلاس میں موجود افغان وزیرخارجہ نے کہا کہ دیگر ممالک بھی چین کی طرح اپنے سفیر کابل بھیجیں۔
اہم خبریں
مزید پڑھیں
Load/Hide Comments
ہمارا فیس بک پیج
خصوصی فیچرز
Archives
- May 2024
- April 2024
- March 2024
- February 2024
- January 2024
- December 2023
- November 2023
- October 2023
- September 2023
- August 2023
- July 2023
- June 2023
- May 2023
- April 2023
- March 2023
- February 2023
- January 2023
- December 2022
- November 2022
- October 2022
- September 2022
- August 2022
- November 2016
- May 2016
- November 2015
- June 2015