رواں سال آپ نے یہ خبر تو سنی ہوگی کہ نامور ہولی وڈ اداکار الپچینو تقریباً 83 سال کی عمر میں باپ بنے ہیں، لیکن بڑھاپے کی عمر میں باپ بننے سے متعلق سائنس کیا کہتی ہے، آج ہم اس کے بارے میں جانیں گے۔ رواں سال جون میں بولی ووڈ اسٹار اداکار الپچینو کے ہاں 83 برس کی عمر میں چوتھے بچے کی ہیدائش ہوئی تھی، الپچینو کی 29 سالہ گرل فرینڈ نور الفلاح نے ان کے بیٹے رومن کو جنم دیا تھا۔ بڑھاپے میں باپ بننے کی یہ انوکھی مثال نہیں ہے، اس سے قبل بھی کئی نامور اداکاروں، گلوکاروں یہاں تک کہ سیاستدان بھی بڑھاپے کی عمر میں باپ بنے ہیں۔ گنیز بک آف ورلڈ ریکارڈز کے مطابق اب تک کے سب سے بوڑھے والد کی عمر 92 سال تھی۔ برطانوی نشریاتی ادارے بی بی سی فیوچر کی رپورٹ کے مطابق بڑی عمر میں باپ بننا بعض دفعہ متعدد خطرات پیدا کرسکتا ہے، دسمبر 2022 میں یوٹاہ یونیورسٹی اور دیگر اداروں کے محققین کے ایک گروپ نے ’بڑھتی ہوئی پدرانہ عمر‘ اور تولیدی صلاحیت، حمل میں مسائل اور بچے کی صحت پر اس کے اثرات کا ایک جامع جائزہ شائع کیا تھا۔ اگرچہ بہت سے مطالعات میں الپچینو کی عمر کے مردوں کو شامل نہیں کیا گیا ہوگا، لیکن شواہد سے معلوم ہوتا ہے کہ 40 اور 50 سال کی عمر میں مردوں کے اسپرم پہلے ہی حجم، گنتی، حرکت پذیری کے لحاظ سے کم معیار کے ہوتے ہیں۔ محققین کا کہنا ہے کہ بوڑھی عمر میں باپ بننے والے والدین کے بچوں میں جینیاتی امراض کا خطرہ بڑھ جاتا ہے، 1950 کی دہائی سے یہ جانا جاتا ہے کہ عمر رسیدہ مردوں کے بچوں میں جینیاتی عارضے اکونڈروپلاسیا کے ساتھ پیدا ہونے کا زیادہ امکان ہوتا ہے۔ یوٹاہ یونیورسٹی کے محققین کا کہنا ہے کہ یہ واضح ہو گیا ہے کہ بڑھتی ہوئی پدرانہ عمر، جیسے ماں کی بڑھتی ہوئی عمر سے اولاد میں صحت کی خرابی کے اثرات مرتب ہوتے ہیں۔ اس کے علاوہ اسٹینفورڈ یونیورسٹی کے محققین کا کہنا ہے کہ عمر رسیدہ مردوں کے بچوں کا وزن معمول سے کم ہوتا ہے اور نوزائیدہ بچوں میں دورے پڑنے کے خطرات بھی بڑھ جاتے ہیں۔ تاہم یہ بات قابل ذکر ہے کہ صحت اور ممکنہ وجوہات کے مابین تعلق کی جانچ پڑتال کرنے والے ماہرین طریقہ کار مکمل طور پر واضح نہیں ہیں، لہٰذا اس میں دیگر عوامل بھی کردار ادا کر سکتے ہیں۔ البتہ محققین کا کہنا ہے کہ جیسے جیسے مردوں کی عمر بڑھتی جاتی ہے اسپرم بنانے والے خلیات میں تغیرات اور ڈی این اے کو نقصان پہنچ سکتا ہے جو بعد میں اگلی نسل میں منتقل ہو سکتے ہیں۔
اہم خبریں
مزید پڑھیں
Load/Hide Comments
Recent Posts
- 9 مئی کے منصوبہ سازوں اور سہولت کاروں سے کوئی سمجھوتہ نہیں ہو سکتا: آئی ایس پی آر
- وزیراعظم شہباز شریف نے پیکا ایکٹ میں ترمیم کی منظوری دے دی
- ایپل نے مہنگا ترین آئی پیڈ پرو متعارف کرا دیا
- عامر کو آئرلینڈ کا ویزا جاری نہ ہونے پر پی سی بی کا ردعمل سامنے آگیا
- رفح پر زمینی حملہ ہوا تو اسرائیل کو ہتھیاروں کی فراہمی روک دیں گے: امریکی صدر
ہمارا فیس بک پیج
خصوصی فیچرز
Archives
- May 2024
- April 2024
- March 2024
- February 2024
- January 2024
- December 2023
- November 2023
- October 2023
- September 2023
- August 2023
- July 2023
- June 2023
- May 2023
- April 2023
- March 2023
- February 2023
- January 2023
- December 2022
- November 2022
- October 2022
- September 2022
- August 2022
- November 2016
- May 2016
- November 2015
- June 2015