زبردست ایجاد: اب ٹی شرٹ اور ہینڈ بیگز کے ڈیزائن روشنی سے بدلیں!

ایم آئی ٹی کے سائنسدانوں کی ایک نئی ایجاد مستقبل میں پرنٹنگ کے طریقے کو مکمل طور پر بدل سکتی ہے۔ جہاں دنیا خودکار گاڑیوں اور جدید بیٹری ٹیکنالوجی کی بات کر رہی ہے، وہیں یہ خاموش مگر طاقتور ایجاد ہماری روزمرہ زندگی پر زیادہ گہرا اثر ڈال سکتی ہے۔ ChromoLCD ( کرومو ایل سی ڈی) نامی یہ نئی ڈیوائس روشنی کی مدد سے کپڑوں اور دیگر اشیاء پر ڈیزائن بنانے کی سہولت دیتا ہے۔ آپ کو بس اپنی ٹی شرٹ یا کسی بھی سطح کو ایک خاص قسم کی فوٹوکرومک سیاہی سے کوٹ کرنا ہوگا، پھر ChromoLCD( کرومو ایل سی ڈی) کی ایل ای ڈی اور الٹرا وائلٹ لائٹ کے ذریعے مطلوبہ تصویر اس پر ڈال دی جائے گی۔ یہ ڈیوائس بلوٹوتھ کے ذریعے آپ کے فون سے جڑتی ہے، جہاں سے آپ تصویر اپ لوڈ کر سکتے ہیں۔ LCD (ایل سی ڈی )اسکرین پر پریویو دیکھنے کے بعد، آپ صرف ایک بٹن دبا کر پرنٹنگ شروع کر سکتے ہیں—اور تقریباً 15 منٹ میں آپ کے پاس ایک نیا، ذاتی ڈیزائن ہوگا۔ سب سے خاص بات؟ آپ اسے بعد میں دوبارہ بھی تبدیل کر سکتے ہیں!