سابق وزیراعظم عمران خان نے لاہور میں ملاقات کے حوالے سے وضاحتی بیان جاری کردیا۔
اپنے بیان میں عمران خان کا کہنا تھاکہ لاہورمیں میری ملاقات کی افواہیں پھیلائی جارہی ہیں، ہماری واپسی کی وجہ یہ تھی کہ لاہور قریب تھا اور ہم نے رات کو مارچ نہ کرنے کا فیصلہ کیا تھا۔
ان کا کہناتھاکہ 6 ماہ سے ایک ہی مطالبہ ہے فوری شفاف اورآزادانہ انتخابات کی تاریخ دی جائے۔
انہوں نے کہا کہ اگرمذاکرات ہوتے ہیں تو جلد انتخابات ہی مطالبہ ہوگا۔
خیال رہے کہ پاکستان تحریک انصاف کا لانگ مارچ دوسرے روز شاہدرہ سے رچنا ٹاؤن پہنچ کر اختتام پذیر ہوگیا اور عمران خان واپس لاہور چلے گئے تھے۔
