ڈی جی خان میں سی ٹی ڈی کی کارروائی، 2 دہشتگرد ہلاک

ڈیرہ غازی خان میں کاؤنٹر ٹیررازم ڈیپارٹمنٹ (سی ٹی ڈی) اور دہشتگردوں کے درمیان مقابلے میں 2 دہشتگرد ہلاک ہوگئے۔
میڈیا رپورٹس کے مطابق فائرنگ کے دوران 2 دہشتگرد موقع سے فرار ہوگئے، جن کی تلاش کا عمل جاری ہے۔
سی ٹی ڈی اہلکاروں کا کہنا ہے کہ دہشتگرد پولیس چیک پوسٹ پر حملے کرنا چاہتے تھے۔
دوسری جانب سیکیورٹی فورسز نے شمالی وزیرستان کے علاقے میر علی میں آپریشن کے دوران ایک دہشت گرد کو ہلاک کردیا۔
آئی ایس پی آر کے مطابق خفیہ اطلاع پر کیے گئے آپریشن میں سیکیورٹی فورسز اور دہشتگردوں کے درمیان فائرنگ کا تبادلہ ہوا۔