تائیوان کے ایک جوڑے نے اپنی شادی سے قبل کوڑے کے ڈھیر کے سامنے فوٹوشوٹ کروایا جسے دیکھ کر لوگوں کے ذہنوں میں یہ بات آئی کہ آخر کوئی گندگی کے سامنے فوٹو شوٹ کیوں کروائے گا؟ شادی کے لمحات کو یادگار بنانے کے لیے لوگ عالیشان جگہوں کا انتخاب کرتے ہیں جہاں دلہا اور دلہن تصاویر بنواتے ہیں، دنیا بھر میں لوگ اپنی شادیوں پر یہ ہی کرتے ہیں لیکن تائیون کے ایک جوڑے نے شادی کے فوٹو شوٹ کے لیے کوڑے والی جگہ منتخب کی۔ ماحول دوست جوڑے ایرس ہسوہ اور ان کی منگیتر نے ‘گرین پیس’ کے نام سے ایک مہم کا آغاز کیا ہے جس کا مقصد لوگوں میں یہ شعور پیدا کرنا ہے کہ گندگی پھیلانا کتنا ناگوار ہوسکتا ہے۔ دونوں نے یہ امید ظاہر کی کہ ان کے اس اقدام سے لوگ بلاوجہ سڑکوں پر کوڑا پھینکنے سے رُک جائیں گے۔ غیر ملکی میڈیا رپورٹس کے مطابق ‘جوڑے نے جنوری میں طے شادی میں مدعو کیے گئے افراد کو سختی سے تنبیہ کی ہے کہ شادی میں آکر وہاں بچ جانے والی کھانے کی اشیا یا سامان اپنے ساتھ لے جانے کے لیے کوئی ڈبہ، کنٹینر یا شاپر لائیں’۔ خاتون کا کہنا ہے کہ اگر کوئی شخص اپنے ساتھ شاپر یا کنٹینر وغیرہ لانے سے انکاری ہوگا تو میں اسے یہ تصاویر دکھاؤں گی اور پھر پوچھوں گی کہ کیا آپ اپنے فیصلے پر نظرِ ثانی کریں گے؟ رپورٹس کے مطابق جوڑے نے یہ فوٹوشوٹ تین گھنٹوں میں مکمل کروایا۔
اہم خبریں
مزید پڑھیں
Load/Hide Comments
ہمارا فیس بک پیج
خصوصی فیچرز
Archives
- April 2024
- March 2024
- February 2024
- January 2024
- December 2023
- November 2023
- October 2023
- September 2023
- August 2023
- July 2023
- June 2023
- May 2023
- April 2023
- March 2023
- February 2023
- January 2023
- December 2022
- November 2022
- October 2022
- September 2022
- August 2022
- November 2016
- May 2016
- November 2015
- June 2015